الج ــــريــش الأبيــض

المكونات او المقادير:

دجاجة مسلوقة
4 كاسات جريش
4 قفاش كبيره حليب بودر
1 بصلة / شويه هيل / وليمون

الطريقة:

نقعي الجريش لمده ساعة .. انا نقعتة ساعة لان الجريش كان خشن شوي ولو زاد على الساعة عادي مايضر بالعكس عشان يذوب عدل..
تسلقين الدجاجة بقدر وتحطين عليها البصلة عقب ماتقطعينها الى قطع كبيره والهدف انها تطير ريحة زفرة الدجاج وجم راس هيل وليمون لأننا مانقدر نحط بهارات اذا حطينا البهار قلب لون الجريش لاسود والهدف انه يكون ابيض..
عقب طلعي الدجاجة وازيلي الجلد والعظم ويصير الدجاجة معاج مسلته مثل الشاورما..
وشخلي الماي اللي سلقتي فية الدجاج من الهيل والبصل عشان تطبخين الجريش فية وخلية بجدر على جنب
غسلي الجريش وشخلي مايه وحطيه على ماي الدجاج وعقب حطي علية الدجاج اللي نتفتيه وحركية وخليه على النار..

اخذي الحليب البودر وفوحية بماء وشويه هيل واذا فار شخلية على الجريش وحركية وعقبها قصري على الناروحطي تحت القدر
الحديده وخلي النار قصيره وكل بين وقت ووقت فتحي الجدر وحركية .. انا خليته على النار تقريبا 4 ساعات وعقبها نزلية
وظربيه عدل وعقب ماتضربينه اغرفية بصحن التقديم ودخلية السخان اذا عندج او الماكرويف بس شوي عشان يحتر مره ثانية
لانه بيبرد شوي مع الضرب..

الحشو ...
بصل تحمسية مع شويه زيت وبهار واللي يحب يحط( لومي اسود) وحطية على الوجه
وباهناء والعافية ..

ملاحظه.. ممكن تستبدلين الحليب باللبن يعطي على حموضة

وهذي النتيجة النهائية









للأمـــاـآنـــه منقـــــــــول وأتمنــــــــى يعج ــــبكم

يسلموؤوؤوؤوؤو شيف بيشوؤو

خخخخخ

حسبي الله عليج خخخخ
يسلمج ربي