بنــآآأت إألـمطلآأع ~!
ولـــــــــــــكــــــــــــــــــــمـــووو ~ و حيــآآج الله ~


بــنــاآت مـــدرســه الــمـطـلاآع و صـديـقاآتـهم ومحـبـينهم ِ~
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 تشيكين ناغت + ماك جكن ~

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dl3 CrAzYah
دلــ(~ المديـره اآالعامــه ~)ــوعه
avatar

الـمشآركـآآات : 196
تاريخ التسجيل : 01/02/2010
العمر : 22

مُساهمةموضوع: تشيكين ناغت + ماك جكن ~   السبت فبراير 13, 2010 1:08 pm

[size=18]

أولا: الشباب الـ {ماك تشيكن} ^^..~طبعا الذي يقال عنه أنت {ماك تشيكن} هذا «ياب اليهده»، يعني وصل وصار شيئا عند معشر الهبات والفناتق الكويتية، لكن الذي يصل هذي «المراييل» يجب ان تكون عنده مقومات أساسية يرتكز عليها حتى يصير من حزب {ماك تشيكن}:

- لازم يكون عندك «بلاك بيري بولد»، وطبعا ما تخليه «مفصخ» يعني من دون «كفر» لأن هذا من علامات «الهلاقة»، لازم تحط له «كفر» لونه فوسفوري مميز ويلفت النظر. -

لازم يكون عندك تلفون ثاني ويجب ان يكون من نوع «نوكيا N 71» علشان لما ترتز بالكافيهات تسطرهم جدامك وتتكشخ بهم أمام الذين هم مثلك، يعني من حزبك.


- لازم يكون لك موقع خاص بك على «فيسبوك» تضع فيه صورك وانت «ياهل» وأمك تغير لك الحفاظة، وصورتك قبل أن يرشك النفط وبعد ما رشك وصرت من حزب {ماك تشيكن}.


- لازم تربي شعرك وتصير كأنك من أهل الكهف يعني «كوول» وبعض الأحيان تلبس كاب وتطلع الشعر من ورا.


- لازم تخصص ميزانية، وإذا كنت فقيرا على باب الله، وغصب تبي تصير منهم، عندك حلين يا إنك تفتح حسابا في «أرامكس» علشان تشتغل طلب من أميركا يوصلك الـ«تي شرت» بنص السعر أو مالك إلا سوق «العدساني» وتلبس تقليد ويلصقونلك اللزقة بالأوتي لأن من أساسيات الـ {ماك تشيكن} لبس تي شرتات (بولو، لاكوست، بوجي، أميركان أنجل) وطبعا النصف التحتي لازم يكون" شورت أو تريننغ.


- تكرمون الجوتي لازم يكون Puma وألوان علشان لما يسطرون في الكافيه ويحطون رجلا على رجل تميزهم من جواتيهم وتعرف هذا عزوز ولا هذا عبود وغيرهم. -

في الويك إند يجب ان تكون في الشاليه وتاخذ «تان» علشان تصير {ماك تشيكن} أصلي.

- لازم تكون ماخذ رخصة مغاوص من شرم الشيخ. - لازم تكون مطيح في Free Zone خاصة في Rubablic Café وتشرب يا إما Nuttela Shake أو Ferriro Shake.- لازم يكون عندك نظارة ريبان، طبعا أصلية مو تشتريها من عند الهندي بوجنطة، تبي تصير {ماك تشيكن} قط على عمرك ولا تدور الرخص.


- لازم تعرف تتكلم إنكليزي لأن ربعك «الماك جيكنيات» ما يتكلمون إلا إنكليزي علشان لا تفتشل.

- لازم تعرف تكتب إنكليزي معرب تدري عندك حساب في {فيسبوك} وعندك {بلاكبيري} يعني لازم تشد حيلك.

- لازم تاخذ قرض تكسر فيه ظهر أبوك أو إنك تحط كل معاشك وتشتريلك سيارة سنعة علشان لما تدش البدع وتصفطها جدام ربعك الـ {ماك تشيكن} ما تفتشل ولا تكون بورش او أودي A8 او S8 او Range Rover Sport ، وطبعا لازم يكون عندك سيارة ثانية حق الشاليه، وضروري تكون إما لاند كروزر أو باترول وتحطله تواير عراض علشان يعني إنت راعي شاليهات وراعي أرصفة وما يهمك شي إنت الدمار الشامل ولا تنس تحط بعد «الجيك الأحمر» هذا اللي بخليك توصل القمة في حزب {ماك تشيكن}.

- لازم تكون سيارتك مقيمة وأول ما تقعد بالكافيه مع ربعك تقعد تتشيحط عليهم وتقول «توه دوريه وقفتني علشان التقييم، بس قلت لهم أنا منو خلوني أمشي وخافوا».


- لازم يكون عندك بصمة دخول وخروج في لورانزينو الصالحية ونينيو وسلايدر ستيشن.

~~~~~~~~~~~~



~~~~~~~~~~~~



ثانيا: البنات الـ {ماك تشيكن}


- لازم حلجج يكون عوي من كثر ما تتكلمين إنكليزي لأن عيب تتكلمين عربي.

- لازم يكون لونك تان Tan على مدار السنة، وإذا ما عندكم شاليه وتبين تصيرين من الربع ما عليه.. طلعي سطح بيتكم وانفرشي وقعدي لما تحرقك الشمس، بعدين قولي حق ربعك إنك كنت بالشاليه ومسويه تان.

- لازم سيارتك تكون G Class ويفضل ان تكون بمواصفات خاصة ولون نادر، أو مزاراتي، وإذا ما قدرت على ميزانية هذه السيارات ما عليه.. تقدرين تسوقين Range Rover Sport يمشي حاله بس تعتبرين مبتدئة في الحزب.

- لازم شعرك طويل وتسوينه إما كيرلي أو Ponytail. -


إذا كنت من حزب الماكياج الأراجوزي فما راح تنجحين بالانضمام الى حزب الـ {ماك تشيكن} لأنهم ضد الماكياج الصارخ والزايد.

- طبعا لازم تتعلمين المصطلحات الغريبة الخاصة بالحزب علشان تقدرين تتعايشين مع الحدث.

- لازم تتخلين عن شفاحتج بالقز يعني لما تشوفين واحد حلو من حزب الـ {ماك تشيكن} مو على طول تروحين وتقطين نفسك عليه لأنه غلط، هذا صديق عادي ويقدر يسولف معاك، بس مو بقصد علاقة وغيرها، يعني لا تبنين أحلام جزاك الله خير.

- طبعا لازم تروحين تدورين نظارة أكبر من وجهك وتلبسينها.

- لازم تكون جنطتج تشيل أغراض فريجكم كله من كبرها، ولازم تكون يا إما {هيرمس} Hermes او {كارتييه} Cartier علشان الهلاقة للحين ماهبوا فيهم. -


لازم تتغدين كل سبت بالأفنيوز علشان تشوفين الشباب من نفس الحزب وتعرفين منو الجديد على الساحة، ويبدي مسلسل الحش لأنه الهلاقة اهم اللي يروحون الأفنيوز بالليل.

- بالعيد لازم تحنين على أبوج وأمج واللي يابوج يسفرونج لندن لأن عيب تقعدون بالكويت بالعيد والهلاقة إنكم تروحون لندن بالصيف. -

لازم تكونين من الإدارية أو جامعة الخليج والحين بادين يدشون تناتيش من الأسترالية. -

طبعا لازم كل يوم تعمين عيون اللي وياج بصبغ أضافر إيدج الفوسفوري.



~~~~~~~~~~




مواصفات الكويتيين الـ {تشيكن ناغت}



وصف {تشيكن ناغت} chicken Nugget يطلق على الفئات العمرية الأصغر سنا يعني المراهقين من 12 وحتى 18 وتنطبق عليهم المواصفات نفسها.. لكن:-

لازم تكون سيارات السواق ( كاديلاك إسكالييد ، فورد أسود مقيمم موديل السنة ، لكزس او رنج روفر ).

*- لازم يدرسون في مدارس خاصة.
*- لازم يكونون في تقويم شفاف متحرك بالحلج.
*- الشعر كيرلي للبنات وطويل للشباب.
*- جناط فسفوريه وتترس الايد /size]
.



يااااااااااااااااو اناااا ماك جكن حب

]
~ لآآ تـطـيع ×[ الـهـم ] × لو همك كبيرر _~
قل لهمك " لو كبر .. " لي رب أكبر "
[ بالصلاه ] يهون كل امر عسسيرر ~
يكفي انك تبتدي =( بأآلله ااكبر )=

.]]

~~ فــديـتكم بـنأأت المطللآع والله يوفقكم بالدرأآســه~!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://m6la3.yoo7.com
P!NK
مـسـآعدة الـمـديـرهـ~
avatar

الـمشآركـآآات : 186
تاريخ التسجيل : 02/02/2010
العمر : 22
الدوؤلــه ~ : q8.....~! فديتها

مُساهمةموضوع: رد: تشيكين ناغت + ماك جكن ~   الإثنين فبراير 15, 2010 5:12 am

كاااك

ودي اجــوف فـيس الـي كــاتب هـل مـوضـوع<< كااك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
توته
~ مشرفــه ~
avatar

الـمشآركـآآات : 266
تاريخ التسجيل : 05/02/2010
العمر : 22
الدوؤلــه ~ : الــكـــويــــــت الـعــزيــزهــ

مُساهمةموضوع: رد: تشيكين ناغت + ماك جكن ~   الإثنين فبراير 22, 2010 5:33 am

Lo0o0o0o0oL

ySLmo0o0o0o 8aLBo0o0o
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تشيكين ناغت + ماك جكن ~
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنــآآأت إألـمطلآأع ~!  :: ~ الـ ضضحك ~ !! :: ~~ فصصلآـت بنآآت المطلآأع ~~-
انتقل الى: