بنــآآأت إألـمطلآأع ~!
ولـــــــــــــكــــــــــــــــــــمـــووو ~ و حيــآآج الله ~


بــنــاآت مـــدرســه الــمـطـلاآع و صـديـقاآتـهم ومحـبـينهم ِ~
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اسهل طريقة لكتابة الشعر ...

اذهب الى الأسفل 
كاتب الموضوعرسالة
توته
~ مشرفــه ~
avatar

الـمشآركـآآات : 266
تاريخ التسجيل : 05/02/2010
العمر : 23
الدوؤلــه ~ : الــكـــويــــــت الـعــزيــزهــ

مُساهمةموضوع: اسهل طريقة لكتابة الشعر ...   الجمعة فبراير 26, 2010 10:52 am

السلام عليكم ورحمة الله



اخواااتي .. اقدم لكم هالموضوع






قبل ما نبدا لازم نعرف شنو الشعر؟؟؟




الشعر عبارة عن: فكرة + مفردة + قافية + وزن + ابداع

وهاليومين الشاعر لازم يكون مزيون والقاءه حلو ولا محدن يلتفت له
هههههههههههههه


والابداع في التعبير هو الي يحدد الشاعر الزين من الشين


اولا: (الفكرة)




الفكرة تجي على حسب الموقف او الوضع الي يعيشه الشخص, والفكرة لازم يكون
فيها شي من التفصيل, ولا بتكون غرض شعري وليس فكرة >>> ادري ما
فهمتوا



مثال:



الغزل >>>>>>> غرض شعري


التفنن بوصف المحبوبة >>>>>>>>>>> فكرة
عامة

والفكرة العامة تتشعب وتتفرع وتنتج منها ابيات القصيدة, وتشعب الفكرة من
خلال الصور والتشبيهات هو الي يحلي القصيدة, يعني تقدرون تقولون انه قلب
القصيدة.



ثانيا: (المفردة)



وهني المصيبة والطامة الكبرى ...



باشدد على ملاحظات كثيرة وباحطها على شكل نقاط عشان تكون واضحة للكل...




1- اياكم والوقوع بالشرك..

كثير من الشعراء للاسف يقعون بدائرة الشرك بسبب بعض الالفاظ الي حسوا انها
مناسبة للقصيدة واحيانا تكون محشوة في القصيدة ووضعها الشاعر لخدمة الوزن
فقط ...

مثال:



وراسج >>>> حلف بغير الله


حبج جنتي وناري >>> مستغني عن الجنة الاخ ولا شنو؟ @@

وكثير غيرها ما تحضرني امثلة ثانية الحين



كلمات تشوفونها عادية لكنها تكتب وتحاسبون عليها فاحذروا


اللهم اني بلغت اللهم فاشهد






2- تكفون لا تسبون


مثال:



يا بنت ....... >>>>>> انصدمت لما سمعتها من شاعر معروف



ما نقول الا الله كريم



3- لا تكرر اللفظ الواحد اكثر من اللازم, نوع بمفرداتك وغلفها وبدع فيها.

4- استخدم المفردات الي تستخدمها بكلامك العادي, يعني مو شرط تكون الالفاظ
عميقة وثقيلة عشان القصيدة تطلع حلوة, بالعكس كل ما كنت على طبيعتك كل ما
وصل شعرك للقاريء بشكل اسرع.

5- لا تجمع المفرد ولا تفرد الجمع, ولا تذكر المؤنث ولا تؤنث المذكر.




ثالثا: ( القافية)





هني ابيكم تركزون معاي شوي



القافية هي آخر حرف او حرفين او ثلاثة او حتى اربعة من الشطر



اذا كانت القافية من حرف واحد لازم يكون الحرف ساكن



مثال: بحر – شي – شبل



اذا كانت القافية تتكون من اكثر من حرف لازم تراعي تشكيل الحروف + حركة
الحرف الواقع قبل حروف القافية >>>> طبيعي مو فاهمين



توضيح:



لو كانت آخر كلمة في الشطر الاول هي ( مشاريه )


وانا ابي اثبت آخر حرفين من الكلمة الي هم (يه)
لي الحين كل شي تمام ...

لو باعدد كلمات من نفس القافية باقول ( تماديه – شاريه – مابيه ... الخ)


طيب لو قلت ( رايه ) ؟؟؟
آخر حرفين نفس الشي ( يه ) !!

هل تعتبر ( رايه ) من نفس القافية؟؟؟؟





طبعا لا ...





والسبب ان في كلمة (مشاريه) حرف الياء ساكن(مد) وفي كلمة (رايه) حرف الياء
مفتوح ...


دام ان الحرفين ما لهم نفس التشكيل اذا الكلمتين ليسوا قافية وحدة

اعتقد ان الكلام واضح لي الحين ..



اما بالنسبة لاختيار القافية لقصيدتك , فلا تتعمد قافية معينة واتركها تجي
بروحها, وهي بتطلع لك مع اول بيت وتمشي القصيدة كلها على نفس قافيته.



ملاحظة:*



حاول انك ما تكرر الكلمة في القافية لاكثر من مرة لانه يعتبر ضعف الا في
حالتين:



1- اذا كان التكرار ضروري ويخدم القصيدة.
2- اذا كانت نفس الكلمة ولكن معناها مختلف في كل مرة.


مثال:



العين >>> العين ما غيرها الي نشوف فيها


العين >>> عين الماء
العين >>> الحسد
.......... الخ

في الحالة الثانية يكون التكرار نقطة لصالح الشاعر وليست ضده, بالعكس
التكرار هني يزيد من جمال القصيدة.



ولتبسيط الموضوع , عدد كلمات من نفس القافية واكتبهم على صوب وركب عليهم
الابيات









ومــــشــكوؤوؤورين عـــلى قراءة الموضوؤوؤوؤووع حبايبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dl3 CrAzYah
دلــ(~ المديـره اآالعامــه ~)ــوعه
avatar

الـمشآركـآآات : 196
تاريخ التسجيل : 01/02/2010
العمر : 23

مُساهمةموضوع: رد: اسهل طريقة لكتابة الشعر ...   السبت فبراير 27, 2010 4:04 am

ابــدعــتي بالمووضوع حـيآآتـي ~
/:


ــ يسـتحـق الــتــثـــبــيــت
[
]

]
~ لآآ تـطـيع ×[ الـهـم ] × لو همك كبيرر _~
قل لهمك " لو كبر .. " لي رب أكبر "
[ بالصلاه ] يهون كل امر عسسيرر ~
يكفي انك تبتدي =( بأآلله ااكبر )=

.]]

~~ فــديـتكم بـنأأت المطللآع والله يوفقكم بالدرأآســه~!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://m6la3.yoo7.com
توته
~ مشرفــه ~
avatar

الـمشآركـآآات : 266
تاريخ التسجيل : 05/02/2010
العمر : 23
الدوؤلــه ~ : الــكـــويــــــت الـعــزيــزهــ

مُساهمةموضوع: رد: اسهل طريقة لكتابة الشعر ...   الأحد فبراير 28, 2010 5:05 am

تسلمييييييييييين يااا قلبي على المرور والتثبيت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اسهل طريقة لكتابة الشعر ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنــآآأت إألـمطلآأع ~!  :: -_ الادب _- :: ~ اشـعار و قـصـآئـد ~-
انتقل الى: